I-DREAM OF RAIN: سبتمبر 2011

الثلاثاء، 27 سبتمبر 2011

كاتب لبكره جواب

سجادة مفروشة..
نايم عليها الوف..
الدَب ببيادة....قطع حبال الصوف..
مستورة....أنا كداب ....ما أنا خايف أتألم..
الضرب بالقايش فى عقولنا أهو معلم..
موجود.....ومش موجود..
عايش بدون صوتى...
ضحكولى سامعينك...بيشتروا موتى..
دى بلاد ماتسمعشى...
فجوابى دا نعشى...
أنا كاتب لبكره جواب .... وخايف مايوصلشى...
ماهو الكلام فى بلدنا... يقطع مايوصٌلشى...
خايف ماتفهمشى....
وتقول بعيد هامشى...
دا أنا لابس قميص من الهم إسود ماينضفشى...
القطن صنع بلادى... لكن مايسترشى...
**************************
كاتب لبكره جواب خايف مايكملشى....
أصل الأعمار بيد الله....
وانت ماتضمنشى...
العمر يخلص إمتى؟
ليه مابتندمشى؟
المال الحرام .... يقف فى البطن ... مايتهضمشى..
أصل الجوع يخلى الحجر ينطق..
لما تكون ماشى على رجلك... واللى جنبك بيسحف بيشحت..
طب إسمع وإضحك؟
لما أقول للوحش فى وشه إنت وحش؟
أبقى بجح!!!!!
ولما أغش فى الدرا؟؟؟
يقولوا الشاطر نجح!!!!!!
شعوب ... بتتفضح ..
أبواب مش عايزه تتفتح..
شوف فى كام حضارة..قربت تتمسح!!
************************
كاتب لبكره جواب...
يوصل مايوصلشى...
مش فارقة معايا كتير..
ما أنا كده كده هامشى...
ده لو (أيوب) جه هنا على العيشه مايصبرشى....
لو قالوا أقعد يوم؟
بصراحة ما أقدرشى...
خلينا كده نايمين..
خلينا كده نايمين .. نقعد مابنقومشى..
مع إن حب بلادنا يكبر مايصغرشى...
حتى وأنا جواها..
حتى وأنا جواها..بردوا بتوحشنى..
حرقت نفسى بنار... النار ماتحرقش..
وبعد كل ده.. بيقولوا بتضحكلى؟؟!!
طب أفضل فى وطنى أسير؟؟؟
ولا أسيب بلدى؟؟؟
وعجبى!!!!

لو عايز تشوف الكلام اللى فوق فيديو اضغط على الرابط ده:

الثلاثاء، 20 سبتمبر 2011

يعنى ايه قانون الغدر؟


يعنى ايه قانون الغدر؟
كتر الكلام بعد الثورة عن المطالبة بتطبيق قانون الغدر على رموز النظام السابق لأن القانون الحالى لا يعاقب على الجرائم السياسية اللى عملوها فى البلد.
عشان كده بنطالب بقانون الغدر .طب ايه هو قانون الغدر؟
هو القانون رقم 344 لسنة 1952 المعدل بالقانون 173 لسنة 1953 المعروف عند الجميع باسم قانون الغدر
وقانون الغدر بيتكون من 9مواد تنظم محاكمة رموز النظام وكل من قام باستخدام منصبه فى مكاسب شخصية له
بقانون الغدر ممكن يتم التالى:
وكمان:
ودلوقتى أسيبكم مع نص قانون الغدر:

قانون الغدر رقم 344 لسنة 1952

مادة 1

فى تطبيق احكام هذا القانون يعد مرتكبا لجريمة الغدر كل من كان موظفا عاما وزيرا او غيره وكل من كان عضوا فى احد مجلسى البرلمان أو احد المجالس البلدية او القروية او مجالس المديريات وعلى العموم كل شخص كان مكلفا بخدمة عامة أو له صفة نيابية عامة وارتكب بعد أول سبتمبر سنة 1939 فعلا من الأفعال الآتية :

( ا ) عمل من شأنه افساد الحكم أو الحياة السياسية بطريق الاضرار بمصلحة البلاد او التعاون فيها أو مخالفة القوانين .

(ب) استغلال النفوذ و لو بطريق الايهام للحصول على فائدة او ميزة ذاتية لنفسه او لغيره من اية سلطة عامة او أية هيئة او شركة او مؤسسة.

(ج) استغلال النفوذ للحصول لنفسه أو لغيره على وظيفة فى الدولة أو وظيفة او منصب فى الهيئات العامة او اية هيئة او شركة او مؤسسة خاصة او للحصول على ميزة او فائدة بالاستثناء من القواعد السارية فى هذه الهيئات.

(د) استغلال النفوذ بإجراء تصرف او فعل من شأنه التأثير بالزيادة او النقص بطريق مباشر او غير مباشر فى اثمان للعقارات والبضائع والمحاصيل وغيرها او اسعار اوراق الحكومة المالية او الاوراق المالية المقيدة فى البورصة او القابلة للتداول فى الاسواق بقصد الحصول على فائدة ذاتية لنفسه او للغير.

(هـ) كل عمل او تصرف يقصد منه التأثير فى القضاه أو فى اعضاء اية هيئة خولها القانون اختصاصا فى القضاء او الافتاء.

(و) التدخل الضار بالمصلحة العامة فى اعمال الوظيفة ممن لا اختصاص له فى ذلك او قبول ذلك التدخل.

ويعتبر التدخل من غير المذكورين فى هذه المادة فى حكم الغدر اذا كان المتدخل قد استغل صلته بأية سلطة عامة.

مادة 2

مع عدم الاخلال بالعقوبات الجنائية او التأديبية يجازى على الغدر بالجزاءات الاتية :

( ا ) العزل من الوظائف العامة.

(ب) سقوط العضوية فى مجلسى البرلمان او المجالس البلدية او القروية او مجالس المديريات .

(ج) الحرمان من حق الانتخاب او الترشيح لاى مجلس من المجالس سالفة الذكر لمدة اقلها خمس سنوات من تاريخ الحكم .

(د) الحرمان من تولى الوظائف العامة لمدة اقلها خمس سنوات من تاريخ الحكم.

(هـ) الحرمان من الانتماء الى اى حزب سياسى مدة اقلها خمس سنوات من تاريخ الحكم .

(و) الحرمان من عضوية مجالس ادارة الهيئات او الشركات او المؤسسات التى تخضع لاشراف السلطات العامة ومن اية وظيفة بهذه الهيئات لمدة اقلها خمس سنوات من تاريخ الحكم .

(ز) الحرمان من الاشتغال بالمهن الحرة المنظمة بقوانين او المهن ذات التأثير فى تكوين الراى او تربية الناشئة او المهن ذات التأثير فى الاقتصاد القومى مدة اقلها خمس سنوات من تاريخ الحكم.

(ح) الحرمان من المعاش كله او بعضه.

ويجوز الحكم ايضا بأسقاط الجنسية المصرية عن الغادر كما يجوز الحكم برد ما أفاده من غدره وتقدر المحكمة مقدار ما يرد.

ويحكم بالجزاءات ذاتها عل كل من اشترك بطريق التحريض او الانفاق او المساعدة فى ارتكاب الجريمة سالفة الذكر ولو لم يكن من الاشخاص المذكورين فى المادة الاولى .

مادة 3

يحكم على كل من ارتكب فعلا من افعال الغدر من محكمة خاصة تؤلف برياسة مستشار من محكمة النقض وعضوية مستشارين من محكمة استئناف القاهرة يعينهم وزير العدل وأربعة ضباط عظام لاتقل رتبة كل منهم عن الصاغ يعينهم القائد العام للقوات المسلحة.

ويكون مقر هذه المحكمة بمدينة القاهرة ويشمل اختصاصها كل انحاء المملكة المصرية.

وتتولى النيابة العامة مباشرة الدعوى امام المحكمة .

ويجوز للمحكمة أن تحكم على الغادر وشركائه بتعويض ما حدث من ضرر لأى شخص من الأشخاص الاعتبارية العامة

مادة 4

ترفع الدعوى الى المحكمة من لجنة مكونة من اثنين يختارهما المؤتمر المنصوص عليه فى المادة 11 من الإعلان الدستورى المشار اليه بقرار يصدر باتفاقهما مشتملا على بيان بالواقعة والمواد المطلوب تطبيقها , ويكون للجنة فى أداء مهمتها أو لأحد عضويها أو لمن تندبه من رجال القضاء أو النيابة العامة جميع السلطات المخولة فى قانون الاجراءات الجنائية للنيابة العامة ولقاضى التحقيق بغير القيود الواردة فى المواد 51 و 52 و 53 و 54 و 55 و 57 و 91 و 97 من القانون المذكور .

ويحدد رئيس المحكمة اليوم الذى تنظر فيه الدعوى على ان يكون خلال خمسة عشرة يوما من تاريخ رفعها.

ويكون تكليف المدعى عليه بالحضور امام المحكمة قبل الجلسة بثمانية ايام كاملة على الاقل .

ويجوز له الاستعانة بمحام واحد.

ولا يجوز تأجيل نظر الدعوى اكثر من مرتين ولمدة لاتزيد فى كل مرة على اسبوع وينطق بالحكم مشفوعا بأسبابه.

مادة 5

اذا لم يحضر المدعى عليه رغم تكليفه بالحضور ولم يرسل محاميا ينوب عنه تنظر المحكمة الدعوى وتحكم فيها فى غيبته.

ويجوز للمحكمة أن تلزم المدعى عليه بالحضور أمامها وله فى سبيل ذلك أن تأمر بضبطه واحضاره .

مادة 6

لا يجوز الطعن فى الحكم الصادر فى الدعوى بأى طريق من طرق الطعن العادية أو غير العادية.

وينشر الحكم فى الجريدة الرسمية فى صحيفتين من صحف واسعة الانتشار خلال اسبوع من تاريخ صدوره.

مادة 7

فيما عدا الاحكام السابقة يتبع فى حفظ النظام فى الجلسة وفى تنحى القضاه وردهم .

وفى نظر الدعوة وفى الشهود والأدلة الاخرى الاحكام المقررة لذلك فى قانون الاجراءات الجنائية لمحاكم الجنح على ان تختص المحكمة ذاتها بالفصل فى الرد .

مادة 8

يعاقب المحكوم عليه على كل مخالفة لأحكام المادة الثانية تقع باستعمال الحقوق التى حرم منها بالحبس وبغرامة لاتقل عن مائتى جنيه ولا تزيد على الفين أو بأحدى هاتين العقوبتين.

ويعاقب بالعقوبة ذاتها من اشترك فى المخالفة بأى طريق من طرق الاشتراك .

مادة 9

على الوزراء كل فيما يخصه تنفيذ هذا القانون , ويعمل به من تاريخ نشره فى الجريدة الرسمية .

صدر بقصر عابدين فى 5 ربيع الثانى سنة 1372 (22 ديسمبر سنة 1952

***********************************************

ودلوقتى وبعد ما قرينا أحكام القانون اللى الكل بينادى بتطبيقه

هل انت مع أو ضد تطبيقه؟


لتحميل قانون الغدر بصيغة PDF إضغط على الصورة أدناه




الاثنين، 19 سبتمبر 2011

ولسوف يعطيك ربك فترضى(قصة فتاة تأخرت فى الزواج)


تقول الفتاه:


تخرجت من الجامعه والتحقت بعمل ممتاز وبدأ الخطاب يتقدمون إلي, لكني لم أجد في أحدهم مايدفعني للارتبط به, ثم جرفني العمل والانشغال به عن كل شيء آخر حتي بلغت سن الرابعة والثلاثين وبدأت اعانى من تأخر سن الزواج

...

وفى يوم تقدم لخطبتى شاب من العائله وكان اكبر منى بعامين وكانت ظروفه الماديه صعبه ولكنى رضيت به على هذا الحال

وبدائنا نعد الى عقد القران وطلب منى صوره البطاقه الشخصيه حتى يتم العقد فأعطيتها له وبعدها بيومين وجدت والداته تتصل بيى وتطلب منى ان اقابلها فى اسرع وقت

وذهبت اليها واذا بها تخرج صورة بطاقتى الشخصيه وتسألنى هل تاريخ ميلادى فى البطاقه صحيح

فقولت لها نعم

فقالت اذا انتى قربتى على الاربعين من عمرك

فقولت لها انا فى الرابعه والثلاثون

قالت الامر لا يختلف فانتى قد تعديتى الثلاثون وقد قلت فرص انجابك وانا اريد ان ارى احفادى

ولما تهدء الا وقد فسخت الخطبه بينى وبين ابنها

ومرت عليا ستة اشهر عصيبه قرارت بعدها ان اذهب الى عمره لاغسل حزنى وهمى فى بيت الله الحرام

وذهبت الى البيت العتيق وجلست ابكى وادعو الله ان يهيء لي من أمري رشدا,

وبعد ان انتهيت من الصلاه وجدت امرأه تقراء القران بصوت جميل وسمعتها تردد الآية الكريمة (وكان فضل الله عليك عظيما) فوجدت دموعي تسيل رغما عني بغزارة,

فجذبتنى هذه السيده اليها وخذت ترد عليا قول الله تعالى ( ولسوف يعطيك ربك فترضي )

والله كانى لاول مره اسمعها فى حياتى فهدئت نفسى وانتهت مراسم العمره وقرارت الرجوع الى القاهره وجلست فى الطائر بجوار شاب ووصلت الطائره الى المطار ونزلت منها لاجد زوج صديقتى فى صاله الانتظار وسألته عما جاء به للمطار فأجابني بأنه في انتظار صديق عائد علي نفس الطائرة التي جئت بها.

ولم تمض لحظات إلا وجاء هذا الصديق فإذا به هو نفسه جاري في مقاعد الطائرة , ثم غادرت المكان بصحبة والدي ..

وما أن وصلت إلي البيت وبدلت ملابسي واسترحت بعض الوقت حتي وجدت صديقتي تتصل بي وتقول لي إن صديق زوجها معجب بي بشدة ويرغب في أن يراني في بيت صديقتي في نفس اليلة لأن خير البر عاجله

وخفق قلبي لهذه المفاجأة غير المتوقعة.. واستشرت أبي فيما قاله زوج صديقتي فشجعني علي زيارة صديقتي لعل الله جاعل لي فرجا.

وزرت صديقتي .. ولم تمض أيام أخري حتي كان قد تقدم لي .. ولم يمض شهر ونصف الشهر بعد هذا القاء حتي كنا قد تزوجنا وقلبي يخفق بالأمل في السعاد

وبدأت حياتي الزوجية متفائلة وسعيدة وجدت في زوجي كل ماتمنيته لنفسي في الرجل الذي أسكن إليه من حب وحنان وكرم وبر بأهله وأهلي,

غير أن الشهور مضت ولم تظهر علي أية علامات الحمل, وشعرت بالقلق خاصة أني كنت قبد تجاوزت السادسة والثلاثين وطلبت من زوجي أن أجري بعض التحاليل والفحوص خوفا من ألا أستطيع الإنجاب

وذهبنا إلي طبيبه كبيره لأمراض النساء وطلبت مني إجراء بعض التحاليل, وجاء موعد تسلم نتيجة أول تحليل منها فوجئت بها تقول لي إنه لا داعي لإجراء بقيتها لأنه مبروك يامدام..أنتى حامل !

ومضت بقية شهور الحمل في سلام وإن كنت قد عانيت معاناة زائدة بسب كبر سني, وحرصت خلال الحمل علي ألا أعرف نوع الجنين لأن كل مايأتيني به ربي خير وفضل منه, وكلما شكوت لطبيبتي من إحساسي بكبر حجم بطني عن المعتاد فسرته لي بأنه يرجع إلي تأخري في الحمل إلي سن السادسة والثلاثين .

ثم جاءت الحظة السحرية المنتظرة وتمت الولادة وبعد أن أفقت دخلت علي الطبيبه وسألتني مبتسنه عن نوع المولود الذي تمنيته لنفسي فأجبتها بأني تمنيت من الله مولودا فقط ولا يهمني نوعه.. فوجئت بها تقول لي:

إذن مارأيك في أن يكون لديك الحسن والحسين وفاطمة !

ولم أفهم شيئا وسألتها عما تقصده بذلك فإذا بها تقول لي وهى تطالبني بالهدوء والتحكم في أعصابي إن الله سبحانه وتعالي قد من علي بثلاثة أطفال, وكأن الله سبحانه وتعالي قد أراد لي أن أنجب خلفة العمر كلها دفعة واحدة رحمة منه بي لكبر سني, وأنها كانت تعلم منذ فترة بأني حامل في توءم لكنها لم تشأ أن تبلغني بذلك لكي لا تتوتر أعصابي خلال شهور الحمل ويزداد خوفي

فبكيت وقولت ( ولسوف يعطيك ربك فترضى )

قال رسول

(ما أنزل اللة اية ارجى من قولة --ولسوف يعطيك ربك فترضى --فدخرتها لامتى ليوم القيامة)

صدق رسول الله صلى الله عليه وسلم

الاثنين، 12 سبتمبر 2011

سألتنى إحدى صديقاتى: أمطار ايه؟

I-DREAM OF RAIN
ده اسم المدونة احترت اسميها ايه قبل ما اعملها وكانت دماغى فاضية مافيهاش اى اسم يصلح انى اخليه عنوان للمدونة مش عايز اقول انى قعدت افكر 3ايام فى الاسم واحترت اختار اسم ايه لحد ما بالصدفة وانا بادور لقيت قدامى المدونة دى:
(Wolf-Inside)
طبعآ المدونة دى معروفة هى ملك مين المهم اول مادخلت عليها اول حاجة شدتنى ليها هى تصميم خلفيتها اللى هو خلفية ممطره زى المدونة عندى هنا جه فى بالى انى اسمى المدونة:
(I-Dream of rain)
واخترت الاسم ده ليها وبعد كده واجهتنى اول مشكلة وهى هاكتب عن ايه وقعدت افكر لحد اما لقيت ان اول حاجه اكتبها هى الهدف من المدونة ايه انا عامل المدونة ليه هاكتب فيها ايه هل هاتكو سياسية ولا اجتماعية ولا ثقافية ولا دينية ولا ايه بالظبط؟
قررت انى ما احصرش المدونة فى نوع معين من الكتابة واخليها عامة او زى مابيقولوا فى المعنى العامى(كوكتيل) أغلب اللى بانزله على المدونة هو مواضيع شدتنى ولو حتى مش مكتوبة بقلمى اجمل حاجة فى الدنبا انك تعرف معلومة وتنشرها والمدونات ممكن تساعد على نشر المعلومة بسهولة لأن الغالبية دلوقتى بيحب يدور على المعلومة من الانترنت قبل كده كان الطريق الوحيد الى المعلومة هو الكتاب بس دلوقتى احنا فى عصر الانترنت والطريق السهل للبحث عن المعلومات (ملحوظة متثقش فى كل المعلومات اللى موجوده على الانترنت الا لو مذكور مصدرها) لما كون مدونتك مش مختصة بنوع معين من الكتابة ده بيسهل عليك المواضيع اللى ممكن تكتبها وتنشرها مش لازم اللى بتكتبه يكون فى حد بيقراه او بيتابعه طالما انت راضى عن اللى بتكتبه حايجى يوم وحد يقراه أهم حاجه انك تكون راضى عن نفسك وعن اللى بتكتبه.
المهم انا اخترت الاسم للمدونة الاسم ده بيمثللى ايه. وقتها كانت المدونة دى مش جديدة بالنسبالى لأنى قبل كده حاولت اكتر من مرة انى اعمل مدونة بس كل مرة كنت بافشل او كنت باوهم نفسى بالفشل لأنى كنت بكسل أكمل بس دلوقتى الوضع يختلف.
بالنسبالى عايز أغير نفسى للأفضل عايز أصلح من حالى الدنيا حوليا بتتغيير طب ليه انا كمان متغييرش ليه افضل زى ما انا طالما فى امكانية لأنى أحاول أتغيير للأفضل عشان كده الاسم دلوقتى بيحمل بالنسبالى على الأقل معانى كتيره بالنسبالى هو أمل فى بكرا امل فى التغيير امل فى بكرا افضل امل فى الاصلاح.
سألتنى إحى صديقاتى على الفيس بوك أمطار ايه؟
رديت عليها وقلت لها: أمطار التغيير.

الأحد، 11 سبتمبر 2011

معلومة مهمة ... الشاي وامتصاص اشعة الكمبيوتر

معلومة أول مرة أعرفها أو حتى أسمع عنها وهى ان الشاى بيمتص الاشعاعات الصادرة من جهاز الكمبيوتر كنت باتكلم مع أحد الأصدقاء على على موضوع انى دايمآ بيجيلى صداع من جلوسى قدام الكمبيوتر وانى اتعودت على شرب الشاى وانا قاعد قدام الجهاز فلقيتها بتقولى ان الشاى بيمتص الاشعاعات اللى بتطلع من جهاز الكمبيوتر انا بصراحة أول ماسمعت الكلام ده قعدت أضحك لأن دى أول مرة اسمعه قامت باعتالى رابط دخلت عليه لقيت ده اللى مكتوب فيه:
لاتضع الشاي بالقرب
من الكمبيوتر ثم تشربه
والموضوع كما روته صديقتي
قبل مدة عانت احدى صديقاتي من ألم شديد في عينيها وذلك بسبب جلوسها لساعات طويلة امام

شاشة الكمبيوتر لتصفح الانترنت وجمع بعض
الصور والمواضيع من اجل بحث التخرج الخاص بها
وبسبب ازدياد الالم ذهبت الى المستشفى وهنا
قام بالكشف عليها احد الاطباء وقال لها انها
تعاني من جفاف في القرنية بسبب جلوسها لمدة
طويلة امام الكمبيوتر وتعرض عينيها
لإشعاعاته
القوية ، ونصحها بشئ غريب !!!
فنجان الشاي !!!!!!!!!!
قال لها الدكتور
خففي من ساعات جلوسك امام
الكمبيوتر واذا جلستي عنده ضعي فنجان من
الشاي على طاولة الكمبيوتر ويكون قريبا من
الشاشة والافضل ان يكون من الجهة التي فيها
وحدة النظام او مايسميه البعض
(صندوق الحاسب)
وذلك لأن فنجان الشاي يقوم
بإمتصاص نسبة كبيرة من الاشعاعات
التي تنبعث من الحاسب
صديقتي اندهشت وقالت للطبيب
انا اضع فنجان الشاي بجانبي دائما
عندما استخدم الحاسب
ولكنني اشربة فقال لها
هذا خطأ لأنك
تشربين
شاي مشبع بالإشعاعات
هذا ما احببت نقله لكم وهذه المعلومة جديدة
بالنسبة لي ولكنني لاحظت شئ بعدما عرفت ذلك
لاحظت ان لون الشاي يصبح غامق اكثر ولكنني
قلت ربما بسبب مضي وقت عليه ولكنني
لاحظت تغير طعمة صحيح انني اقوم بعمل فنجان
الشاي واحضرة ولكنني لا اشربة بالكامل لأنني
اشعر ان طعمة تغير وكنت اظن لأنه برد قليلا اما
الان فاصبحت اشك بأن طعمة تغير بسبب
الاشعاعات.

الاستراتيجيات العشر لخداع الجماهير - نعوم تشومسكي

ارتباطقريت الموضوع ده ولقيت اننا كلنا محتاجين اننا نقراه عشان نستفاد منه بس الأول لازم نعرف مين هو صاحب المقال:
نعوم تشومسكى:
هو أفرام نعوم تشومسكى ولد فى 7/12/1928فى فيلادلفيا،بنسلفانيا
استاذ اللغويات فى معهد ماساتشوستس للتكنولوجيا،صاحب نظرية النحو التوليدى.بالإضافة الى ذلك فهو معروف كناشط سياسى،وبانتقاده للسياسة الخارجية للولايات المتحدة الأمريكية والحكومات الأخرى.يصف نفسه بأنه اشتراكى تحررى. ولقراءة المزيد عنه اضغط على الصورة.

الاستراتيجيات العشر لخداع الجماهير


1- إستراتيجية الإلهاء

عنصر أساسي لل...ضبط الاجتماعي، تتمثل إستراتيجية التسلية في تحويل أنظار الرأي العام عن المشاكل الهامة والتحويلات المقررة من طرف النخب السياسية والاقتصادية، وذلك بواسطة طوفان مستمر من الترفيهات والأخبار اللامجدية. إستراتيجية الإلهاء هي أيضا لازمة لمنع الجمهور من الاهتمام بالمعارف الأساسية، في ميادين العلوم، الاقتصاد، علم النفس، وعلم التحكمية... "الإبقاء على انتباه الجمهور مسلى، بعيدا عن المشاكل الاجتماعية الحقيقية، مأسورا بمواضيع دون فائدة حقيقية. الحفاظ على جمهور منشغل، منشغل، منشغل، دون أدنى وقت للتفكير؛ ليرجع إلى ضيعة مع باقي الحيوانات" كما جاء في كلام تشومسكي نقلا عن نص استخباراتي "أسلحة كاتمة من أجل حروب هادئة"

2- خلق المشاكل، ثم تقديم الحلول

هذه الطريقة تدعى أيضا "مشكلة-ردة فعل-حلول" نخلق أولا مشكلا، حالة يتوقع أن تحدث ردة فعل معينة من طرف الجمهور، بحيث يقوم هذا الأخير بطلب إجراءات تتوقع قبولها الهيئة الحاكمة.مثلا، غض الطرف عن نمو العنف الحضري، أو تنظيم هجمات دموية، حتى يطالب الرأي العام بقوانين أمنية على حساب الحريات. أو أيضا: خلق أزمة اقتصادية لتمرير -كشر لا بد منه- تراجع الحقوق الاجتماعية وتفكيك المرافق العمومية.

3- إستراتيجية التقهقر

من أجل تقبل إجراء غير مقبول، يكفي تطبيقه تدريجيا، - بالتقسيط -، على مدى عشر سنوات. فبهذه الطريقة تم فرض ظروف سوسيو-اقتصادية حديثة كليا -الليبرالية الجديدة- في فترات سنوات الثمانينيات. بطالة مكثفة، هشاشة اجتماعية، مرونة، تحويل مقرات المعامل، أجور هزيلة، كثير من التغييرات كانت لتحدث الثورة لو تم تطبيقها بقوة.

4- إستراتيجية المؤجل

طريقة أخرى لإقرار قرار غير شعبي، هي في تقديمها ك " شر لا بد منه "، عبر الحصول على موافقة الرأي العام في الوقت الحاضر من أجل التطبيق في المستقبل. من السهل دائما قبول تضحية مستقبلية بدل تضحية عاجلة. أولا، لأن المجهود لا يتم بذله في الحال. ثم يميل الجمهور إلى الأمل في " مستقبل أفضل غدا " وإن التضحية المطلوبة قد يتم تجنبها. وأخيرا، هذا من شانه أن يترك الوقت للجمهور للتعود على فكرة التغيير وقبولها باستكانة عندما يحين الوقت.

5- مخاطبة الرأي العام كأطفال صغار

تستخدم أغلب الإشهارات كلما توجهت إلى الكبار خطابا، لماذا؟ ات، شخصيات ولهجة صبيانية جدا، غالبا ما تكون اقرب إلى التخلف العقلي، كما لو كان المشاهد طفلا صغيرا أو معاقا ذهنيا. كلما حاولنا خداع المشاهد، كلما تبنينا لهجة صبياني، لماذا؟؟ إذا توجهنا إلى طفل في الثانية عشرة من عمره، فبسبب الإيحائية إذن، سيكون من المحتمل جوابه أو ردة فعله خالية من الحس النقدي "كما لطفل في الثانية عشرة من عمره".

6- اللجوء إلى العاطفة بدل التفكير

اللجوء إلى العاطفة هي تقنية كلاسيكية لسد التحليل العقلاني، وبالتالي الحس النقدي للأفراد. كما أن استخدام المخزون العاطفي يسمح بفتح باب الولوج إلى اللاوعي، وذلك من أجل غرس أفكار، رغبات، مخاوف، ميولات، أو سلوكيات...

الإبقاء على الجمهور/العامة في الجهل والخطيئة

العمل على أن لا يفهم الجمهور التقنيات والطرائق المستخدمة من أجل ضبطه وعبوديته. " يجب أن تكون جودة التربية المقدمة إلى الطبقات الاجتماعية الدنيا هي الأضعف، بحيث تكون وتبقى هوة الجهل التي تعزل الطبقات الاجتماعية الدنيا عن الطبقات العليا غير مفهومة للطبقات الدنيا " عن أسلحة كاتمة من أجل حروب هادئة"

8- تشجيع الجمهور على استساغة البلادة:

تشجيع الجمهور على تقبل أن يكون أخرقا، أبلها، فظا، جاهلا.

9- تعويض الانتفاضة بالشعور بالذنب

جعل الفرد يشعر أنه هو المسئول الوحيد عن شقائه، بسبب نقص ذكائه، قدراته أو مجهوداته. وهكذا، بدل الانتفاض ضد النظام الاقتصادي، يشعر الفرد بالذنب، ويحط من تقديره الذاتي، مما يسبب حالة اكتئابية من آثارها تثبيط الفعل. ودون فعل، لا ثورة كذلك...!

10- معرفة الأفراد أكثر مما يعرفون أنفسهم

خلال الخمسين سنة الأخيرة، حفر التقدم المذهل للعلوم هوة متنامية بين معارف العوام وتلك التي تمتلكها النخب الحاكمة. بفضل البيولوجيا، البيولوجيا العصبية وعلم النفس التطبيقي، توصلت الأنظمة إلى معرفة متقدمة بالكائن البشري، نفسيا وبدنيا.. توصل النظام إلى معرفة الفرد المتوسط أكثر مما يعرف هو ذاته. هذا يعني أنه في معظم الحالات، للنظام سيطرة وسلطة على الأفراد أكثر مما لهم أنفسهم.

الجمعة، 9 سبتمبر 2011

القائمة النسبية والنظام الفردى...(موضوع منقول)

الموضوع اللى هاقدمه دلوقتى موضوع منقول من موقع
جريدة حمرا الإخبارية

الموضوع ده أنا قريته وعجبنى وأعتقد انه هايعجبكم لأننا داخلين على انتخابات مجلسى الشعب والشورى وأغلبنا منعرفش ايه اللى هايحصل فيهم هاننتخب ازاى ايه نظام القائمة النسبية وايه نظام الانتخاب الفردى؟
كل ده هاتعرفه بشرح مبسط فى الموضوع ده.

القائمة النسبية والنظام الفردى ...




شرح تحت الحيطة عن القايمة النسبية والنظام الفردي في انتخابات البرلمان و معاها صورة كمان لاستيعابها بشكل كامل،
نظام القائمة النسبية هو نظام انتخابي يتمتع بعدم حرمان الأقليات من دخول البرلمان وهو عكس نظام الانتخاب الفردي الذي يعتمد على المصلحة الشخصية او القبلية او التعصب العرقي و الدينى للناخب حيث يعتمد نظام القائمة النسبية على أن يقدم كل حزب مرشيحة على شكل قائمة لها برنامج انتخابي واحد و يكون الانتخاب على أساس البرنامج الانتخابي و ليس على أساس الأشخاص نفسهم.

و هناك عدة أنواع لتقسيم الدوائر فى نظام القائمة النسبية :-

1- يتم دمج عدة دوائر انتخابية فى دائرة واحدة يمكن أن تشمل المحافظة بالكامل فى حالة المحافظات الصغيرة و يمكن تقسيم المحافظات الكبيرة الى عدة دوائر.
مثلاً :- اذا كانت المحافظة لها 6 مقاعد فى البرلمان يتم دمجهم في دائرة و احدة و يقوم الناخب باختيار قائمة تضم 6 أفراد.

2- تكون الدولة بالكامل عبارة عن دائرة واحدة - في حالة الدول الصغيرة - و يقوم الناخب باختيار قائمة تضم عدد أشخاص مساوين لعدد مقاعد البرلمان.


و أيضا هناك أنواع من القائمة :-

1- القائمة المغلقة :- و في هذه الحالة يجب على الناخب اختيار قائمة كاملة من القوائم المرشحة و لا يجوز له اضافة أو حذف أو تغيير اسم في القائمة.

2- القائمة المفتوحة :- و في هذه الحالة يقوم الناخب باختيار اسماء بعينها من كل قائمة و يشكل قائمة خاصة به دون التقيد باختيار قائمة كاملة لأي حزب.

و في النهاية يتم حساب نسبة عدد الأصوات الصحيحة لكل قائمة ثم تأخذ كل قائمة نسبة من المقاعد مساوية لنسبة عدد المصوتين على القائمة

فمثلاً : اذا كانت الدائرة تضم 10 مقاعد و عدد الأصوات الصحيحة هو 100 ألف صوت
- و حصل الحزب الأول على عدد 40 ألف صوت و هي تساوي 40% فهو يستحق 4 مقاعد و يتم اختيار أول 4 أسماء من القائمة لشغب هذه المقاعد.

- و اذا حصل الحزب الثاني على عدد 60 ألف صوت فهو يستحق 6 مقاعد و يتم اختيار أول 6 أسماء من القائمة.

للذهاب الى الموضوع الأصلى إضغط على الصورة أدناه

ارتباط

الأربعاء، 7 سبتمبر 2011

أغيثوا أطفال الصومال

أغيثوا أطفال الصومال.
حملة عربية ودولية لإغاثة وإنقاذ أطفال الصومال من المجاعة اللى فى الصومال حاليآ والأطفال هما أول الضحايا مش هاقولكم إن الأطفال أحباب الله ولا أى كلام من اللى المفروض أقوله عشان أخليكم تتعاطفوا معاهم أنا حاكلمكم من منطق تانى.
حاجة سهلة حدآ ممكن نعملها كمصريين أو أى حد مقيم داخل مصر امسك تليفونك المحمول وابعت رسالة فاضية على رقم9596.
(9596)
خدمة بتقدمها شركات المحمول مع اتحاد أطباء بلا حدود للتبرع لأهالى الصومال الخدمة دى بتكون بإنك تبعت رسالة فاضية من تليفونك المحمول على رقم9596الرسالة دى تمنها 5جنية مصرى ممكن البعض يقول ال5جنية دى أنا أولى بيها وابعتها ليه بس تعالى كده واحسبها صح هاتلاقى الأتى:
أولا: رسولنا صلى الله عليه وسلم بيقول(ما نقص مال من صدقة).
ثانيآ: ربنا سبحانه وتعالى بيقول(وما تقدموا لأنفسكم من خير تجدوه عند الله هو خيرا وأعظم أجرا).
ثالثآ: وده مهم بردوا انت ال5 جنية دى تقضيك قد ايه ؟ لك ان تتخيل ان ال5 جنية اللى هاتتبرع بيها هاتقضى فرد واحد أكل لمدة يومين. وده مش كلامى انا ده كلام اتحاد أطباء بلا حدود.
تفتكر دلوقتى كتيرة عليهم ال5 جنية ولا قليلة؟
وخليك فاكر
تنقذ بيها انسان وتقدمله أكل لمدة يومين

وإن

إفتكرهم
وخلى بالك





الشاعر الكبير عبد الرحمن الأبنودي يكتب: عيون الوطن.

الشاعر الكبير/عبد الرحمن الأبنودى أو كما يلقب فى مصر(الخال) نشر قصيده اسمها (عيون الوطن) فى جرنال المصرى اليوم عدد يوم الأثنين 5/9/2011



إلى «على فرزات» الرسام السورى الشهير الذى كسّروا يديه ليكفَّ عن رسم بشاعاتهم وطغيانهم الدامى فى لوحاته الساخرة الناطقة!!

وإلى الشاعر السورى الثائر «إبراهيم قاشوش»، الذى بعد أن قتلوه رمياً بالرصاص، انتزعوا حنجرته بأيديهم من رقبته، تلك الحنجرة التى كانت تورّد الشعارات والهتافات لجموع الثوار، وتركوه ملقى على تراب وطنه!!

عيون الوطن

إرسمها ع الجدران وع البيبان

وانقشها على ورق الشجر فى الريف

إروى عطش كل اللى بات عطشان

وادفع تَمن ما اخترت تبقى شريف!!

■ ■ ■

إزاى عرفت السر.. وإزاى بُحْت

يابو الأنامل مُدركه وحسّاسه

إزاى حِفِيت ماشى ورا اللى فهمْت

والإيد.. فى الوحلة تغوص ع الماسه؟

■ ■ ■

غِربان شُناع.. بيطاردوا صوت الرسمه

واحنا اللى جواه طبْع.. مش بيبيعه.

حتى الدموع ليها شفاه مِبْتسمه

وقهْرنا.. بيوهب وطننا ربيعُه.

■ ■ ■

الفجر نبضُه معاكس التيار

بيلف.. ويدوَّر على شطآنُه

بيمرّ بين دم الشهيد.. والنار

فاصبر يا صاحبى لكل فجر أدانه.

■ ■ ■

إحنا سكوت صوتنا يسكِّت أُمّه

إحنا ولادها والضّمير الحى.

الرسمه لك.. وإحنا لينا الكلمه

نُرش ليلها.. ولو بحفنْة ضىّ!

■ ■ ■

ياللى انت ريشتك كارهه ريحة الموت

ورسمتك تسعدنا.. وبتئذيك

ريشه عجيبه.. ليها رأى.. وصوت

«ناجى العلى» نِسى سرّ ريشته فيك!!

■ ■ ■

ويكسّروا أياديك يا ابن الناس

علشان تكف عن افتضاح الأمر

لِمّ الفُرَشْ.. وطبَّق الكرَّاس

واقعد فى ضل الصبر.. من غير صبر!!

■ ■ ■

إلاّ انطفا الشعله اللى متقاده

جوه الضماير الحيه.. يا فنان.

وشعوبنا مش راح تمشى مِنقاده

من بعد ما سمْعِت نِدا الأوطان!!

■ ■ ■

وده قدرنا واحنا من مقاتيلُه

وطن.. بنرسم ضحكته بالدم

نِغوى نهاره.. وهمّ يغووا ليلُه

نخلق له ضحكه يردموها بهمّ!!

■ ■ ■

ياما شبْعت الزنازين من صوتنا

- والسجانين صُبيان للسلاطين -

احنا انتصرنا.. لما هان موتْنا

جيش مين حيغلب صرخة الملايين؟

■ ■ ■

أحلى ما فينا ان يقتلوه.. بيشِبّ

وان يقتلونا احنا مانتْقِتْلوش

ولسه ساكن فى ضمير الشعب

صوتك يا شاعر يا «ابراهيم قاشوش».

■ ■ ■

فِدا النِّدا.. بقيت شهيد الثورة

صوتك عبرها.. مدينه بعد مدينة

مازال يعكَّر فى الوشوش العِكرة

صوتك.. وبينوّر وشوش أهالينا!!

■ ■ ■

يا الشاعر اللى كسّروا حلقُه

بيدوّروا ع النار وع البارود

قتلوك بحقد ومزّعوا وخنقوا

والصوت مازال وسط الجموع بيقود!!.

■ ■ ■

بيكْرهونا.. صدق صوتنا بيفضح..

عَوْرتهم اللى بيداروها بعَوْرة

والصدق حتى لو كتمته.. بينضح

وهوّه لولا الصمت كان فيه ثورة؟

أحلى ما فينا.. كُرههم لينا

وحلم بكره اللى طرد أحلامهم.

بسبب رسومنا وصوت غناوينا

قدّامنا كانوا.. بقينا قدامهم!!

■ ■ ■

دم الجموع.. ع الأرض.. كاتب شعر

وبيرسم الرسمه اللى قايلها.

شافوا حياتنا تافهة مالهاش سعر

بكره حَتصْحَى.. عادْله مايِلْها!!

■ ■ ■

قِدْر النَّيا.. فوق.. والنيران حمرا

والزحف.. لا مبقِّى ولا مخلِّى..

خاين إذا مارسمتش الثورة

وصوت دمانا فى قلبها بيغلى..!

■ ■ ■

(واحنا كلامنا بيصْدُقْ لما بيخالف

كلامنا بعيون ما تِغْفْل عن وطنها قطّ

الديدبان يابا أعمى إنما.. شايف

الحرف ع الحرف والخط اللى كمّل خطّ.)

■ ■ ■

صحيوا لقوا الأوطان فى قعْر جيوبهم

واحنا.. مَداس من يسوى ومايسواش.

طغاة.. سعادتهم.. فى ذل شعوبهم

طاغى ورا طاغى.. ورحنا بلاش.

■ ■ ■

وبيطلبوا منّا كمان.. نهواهم

ونمدحوهم.. واحنا مش من طينهم

بننتمى لدنيا.. ماهِيش دنياهم

وبننتمى لأوطان ماهِيش أوطانهم!!.

■ ■ ■

إحنا اتخلقنا عشان نزرْزرْهم

يا إما يتقتلوا.. يا ينزاحوا

حشرْنا ربك.. لقمه فى زورهم

يايريّحونا.. يا مِشْ حيرتاحوا!.

■ ■ ■

إحنا راحتنا ف راحة اهالينا

أهالينا.. حمّالين أسى التواريخ

أما الطغاه.. فاتزرعوا حوالينا

يتفرّخوا من بعضهم.. تفريخ!!

فين مالتفتنا طاغى يحضن طاغى

إغتصبوا سحر بلادنا غصْب فى غصْب.

أرض العرب.. والظلم فيها طاغى

همّ الملوك.. واحنا ولاد الكلب!!.

■ ■ ■

عُمْر الطغاه ما اتعلّموا من بعض

عمر الطغاه ما اتعلموا م الزمن

ولا فهموا ما بين العباد والأرض

ولا عشقوا زى الناس.. عيون الوطن.!!

■ ■ ■

زعيم.. وفى الأول لسانه جميل

فِكْر وأمانى تملا عِين الشمس.

سنَه فى سنه والكدْب حبله طويل

شتان ما بين اليوم وبين الأمس.

■ ■ ■

واحنا السفينة اللى ما عِرْفِت مينا

الليل.. على عِرْض الوطن يساومنى.

إذا نِفدْنا من سلاح أعادينا

يقتلنا بسلاحنا الزعيم الوطنى!!

■ ■ ■

واه يا وطن.. طعم انتصارك ملْح

فاتحين صناديق القلوب بنبوح

قابلين تمن عشقك.. صديد الجرح

والمشى على طراطيف حوافّ الروح!!

■ ■ ■

(لكن لهيب الأمل.. بيهزّ «أضواؤه»

على كل بُقعاية قبل اليوم مازارهاش نور

قام العليل منتشى لما عرف «داؤه»

وعرف دواه وانطلق وسط الجموع بيثور).

■ ■ ■

بيهز أركان عروش تعرفش غير تِتْغَرّ

رغم الجحيم والدما والقتل والإرهاب

(اللى انسجن أو هرب أو اتحرق أو فر)

وتانى رِجْعت شعوب الأمة بعد غياب.

■ ■ ■

وانت يا صاحبى اطمئن الريح غربيّه

جايه بتقلع جذور الفاسدين م الأصل.

شوف «تونس الثورة» رايتها معدية

وحتستلمها بجدارة إنت من إيد مصر.!

■ ■ ■

قالوا: «العدو والأرض».. فاستنينا

والعُمر قطر يمرّ جارر بعض

هزمونا إحنا.. وسابوا محتلّينا

وبيمنعونا نجيبوا سيرة الأرض!!

■ ■ ■

لسه «الجولان» يا فلان على حالها

الاحتلال سكنها.. وزرعها

ودولتك.. ما عادتش فاضيالها

سكتت لحد الغول ما بلعها!!

■ ■ ■

والشعب سابق خطوته لبكره

على دروب الصبر والتضحيّة

فى الأرض ماشى يعلن الثورة

من «درعا» رنّ الصوت فى «اللاذقية»!!

■ ■ ■

من كل فج الزحف بالملايين

ضد اللى خان فى السرّ أحلامهم

إحنا العدا.. ومافيش عِدا تانيين

دول خُبرا بس فى قتل أوطانهم!!

■ ■ ■

العرش من تحت الطغاة.. يتململ

ساعات.. وينفض عنُّه طُغيانُه

ساكت لا قال: «أرفض» ولا قال «أقبل»

لكنّ صمته خبير فى مين خانوا.!!

■ ■ ■

طيور تعاند ريح ولا بتتشكَّى

و«تفرز» الشجر اللى يحمى عشوشها

الفيلم.. مفضوح الهدف والحبكة

عاملاه ديابة.. واقعة منْها وشوشها!!.

■ ■ ■

جوّه الربيع سِنِّةْ خريف مقصودة

الشرّ كارْهُم.. والمحبة كارنا.

ثوراتنا صادقه.. إنما.. «مرصودة»

وان تنهزم حتشيلوا عارها وعارنا!!

■ ■ ■

(والاّ اللى مستنى بعد ما ننهى كل الدور

ويرمى كارتُه.. يُقُش اللى اتكسب كلُّه

أعداء بعدد الرمال.. متربّصة بالنور

متخصصين يحرموا الإنسان من ضلُّه!!)

■ ■ ■

الأمريكان وإسرائيل وكلاب أهالينا

وكلهم فى انتظار المنهَكة الصابرة

حتى ان غَلبنا حنلقى الريح مودّينا

بكل خسه لْجِهِةْ أهدافهم الخِطرة!!

■ ■ ■

والثورة دولاب إذا اتعطّل نقف وياه..

ويضيع منا الطريق.. ونتهزم يومى

إتعلموا الدرس منا.. درْسنا إيّاه

أعدائى صحيوا.. مجرد ما ابتدا نومى.!!.

■ ■ ■

أول سبتمبر 2011

الإسماعيلية