ايه الهدف من المدونة دى؟
طب ايه اللى يخلينى اعجب بيها او حتى ادخل عليها؟
طيب وعلى فرض انى دست اعجاب بالمدونة ايه اللى هايخلينى أدخل عليها من تانى؟
******************************************************
دى بعض الأسئلة اللى ممكن أى حد يسألها حتى انا عن نفسى باسأل نفسى الأسئلة دى
ايه الهدف من المدونة عادى زيها زى أى مدونة تانية باعبر فيها عن رأيى فى أى حاجة وكل حاجة
لا انا حاهاجم حد ولا هاغلط فى حد
عن نفسى كل واحد حر فى رأيه طالما مش بيستهين بأراء الأخرين
المدونة دى هاتكلم فيها فى كل حاجة سياسة دين أمور حياة أى حاجة وكل حاجة
وبردوا من وجهة نظرى.
سواء فى حد دخل المدونة او محدش دخل
سواء فى حد اعجبته المدونة او معجبتشس حد
حاحاول انى أدون فيها كل اللى يخطر فى بالى
أرائى توجهاتى بس لو هاناقش حاجة مهمة هاناقشها من وجهة نظر محايدة
على قد ما أقدر وعلى قد ما أعرف
أعتقد كده جاوبت على السؤال الأول.
بالنسبة للسؤال التانى،،،،،،،،،،
خلينى أفكر شوية،،،،،،،،،،،،،،،،،،،،
دى حاجة انت اللى تقررها مش أنا لو حسيت ان اللى باكتبه يستاهل الإعجاب
أكيد هاتعجب بيه ولو كان غير كده شئ طبيعى انك مش هاتعجب بيه
مش محتاجة تفكير ولا تركيز يعنى :)
اما بالنسبة للسؤال التالت
فأعتقد بردوا دى حاجة انت اللى هاتقررها
ماهوا لو المدونة عجبتك شئ طبيعى انك هاتحاول تدور عليها تانى وتدخلها
أهم حاجة لازم أقولهالك هى:
ان دى أول مرة ليا فى مجال التدوين وأكيد مع الوقت هاتكون كتاباتى وتدويناتى أفضل من اللى قبلها وهاتتحسن مع الممارسة.
كده أنا قلت كل اللى عندى ومن حقك تقرر اذا كنت هاتزور المدونة مرة والتانية ولا هى مرة والسلام.
أحمد سباق
أنا بإذن الله هدخل تاااااااااااانى
ردحذفربنا يوفقك وفى انتظار ابداعات حضرتك ^^
شكرآ ليكى وان شاء الله نشوف حضرتك تانى
ردحذفرأى حضرتك هايفيدنى كتير