مين اللى يستحق أكتر؟

مين اللى يستحقها اكتر!!
3حاجات كل حاجة ليها نفس الأهمية والحالات دى هى:
1-الرياضة.
2-التعليم.
3-الخير.
**********
1-الرياضة:


الرياضة مهمة فى حياتنا اليومية رغم ان اغلبنا مابيمارسش الرياضة
الرياضة مهمة بردوا فى المدارس بس الرياضة الوحيدة اللى معروفة فى مدارسنا
وبالذات الحكومية هى اللى بنقول عليها (الحساب) على الرغم من ان دينا بيحضنا على ممارسة الرياضة
وده واضح فى مقولة سيدنا عمر بن الخطاب رضى الله عنه:
(علموا أولادكم السباحة والرماية وركوب الخيل)
احنا نسينا المقولة دى مع العلم ان الغرب اخد المقولة دى وطبقها وادينا شايفين الغرب متقدم قد ايه.
***************
2-التعليم:


طبعآ كلنا عارفين أهمية التعليم ومش محتاجه كلام فى ان التعليم له الأولوية
وان التعليم عندنا بايظ ومحتاج اننا نهتم بيه أكتر من كده
الرسول عليه الصلاة والسلام قال:
(اطلبوا العلم ولو فى الصين)
وقال بردوا:
(من تعلم لغة قوم أمن مكرهم)
صدق رسول الله صلى الله عليه وسلم

مش عارف أقول عن التعليم تانى غير:
العلم يرفع بيتاً لا عماد له***والجهل يهدم بيت العز والشرف.
**************

3-الخير:


طبعآ كلنا ما نتختلفش على ان فعل الخير من الامور المطلوبة مش بس فى شهر رمضان بس
لأ على مدار السنة وفعل الخير له صور كتيره منها التبرع سواء كان التبرع ده عينى او غير عينى
واماكن التبرع كتيرة منها الجمعيات الخيرية والناس اللى محتاجين ومابتوصللهمش الجمعيات او التبرعات
القرآن والسنة بيحضوا على التبرع والتصدق:
بسم الله الرحمن الرحيم
(ان تبدوا الصدقات فنعما هي وان تخفوها وتؤتوهاالفقراء فهو خير لكم ويكفر عنكم من سيئاتكم والله بما تعملون خبير)
صدق الله العظيم(اية271سورة البقرة)
ويقول الرسول صلى الله عليه وسلم:
(مانقص مال من صدقة)
صدق رسول الله صلى الله عليه وسلم
*************************
لو بصيت ليهم كلهم هاتلاقى ان كل واحد من الامور ال3 هو اللى يستحق أكتر من التانى
انت اللى هاتقرر وتخطار اى واحد من ال3 يستحق اكتر
فى حاجة فى الفقه اسمها فقه الأولويات ممكن تستخدمها هنا
بس فقه الأولويات محتاج موضوع خاص بيه عشان نتكلم عنه.