I-DREAM OF RAIN: أكتوبر 2011

الاثنين، 31 أكتوبر 2011

فلسطين تفوز بالعضوية الكاملة لمنظمة اليونسكو

بداية أجمل التهانى لدولة فلسطين حكومهَ وشعبآ وأجمل التهانى للشعوب العربية وللثورات العربيه اللى خلت أمر زى التحاق فلسطين بمنظمة اليونسكو وتمتعها بالعضوية الكاملة فى المنظمة شئ مش مستحيل والدليل على كده أنه اتحقق على الرغم من اعتراض امريكا بكامل قوتها وجبروتها عليه وان شاء الله يتحقق الحلم وتنضم فلسطين للأمم المتحده تحت مسمى دولة وتتمتع بكامل حقوقها بإذن الله.
اللى حصل انهارده فى مقر اليونسكو من انضمام فلسطين كعضو كامل العضوية فى منظمة اليونسكو حدث تاريخى لأنه بيغيير مجرى الأحداث شفنا كلنا ان امريكا كانت من أول الدول اللى اعترضت على ده ورفضته بل وهددت بالانسحاب من المنظمة وبقطع التمويل عنها ومع ذلك صوتت غالبية الدول الأعضاء على أحقية فلسطين فى عضوية اليونسكو وده من شأنه انه يدى فلسطين دفعه ويساندها فى طلبها الأنضمام الى العضوية الكاملة بالأمم المتحدة.
مفاجئات ومفارقات حصلت فى التصويت فى بداية الأيام الأولى من المؤتمر العام لليونسكو فى دول كانت بتتغنى بالثورات والربيع العربى وبدعهمه للديمقراطية وحقوق الأنسان وحق الشعوب فى تقرير مصيرها وهما دول اللى صوتوا ضد فلسطين قمة الازدواجية.
ولكن فى النهاية وعلى الرغم من تهديد أمريكا بقطع تمويلها للمنظمة واللى بيمثل20%من تمويل المنظمة تم التصويت على انضمام فلسطين للمنظمة الدولية وتمتعها بكامل العضوية.
اجمالى الدول اللى كانت حاضره التصويت173.
عدد الدول اللى صوتت لصالح فلسطين107منهم الدول العربية والاسلامية باللإضافة الى البرازيل-روسيا-الهند-الصين-جنوب أفريقا-اليونان-اسبانيا-ايرلندا-بلجيكا-النمسا-مالطا-المجر-كرواتيا-فرنسا.
عدد الدول اللى صوتت ضد فلسطين14دولة فى مقدمتهم طبعآ أمريكا واسرائيل-كندا-المانيا-رومانيا-الدانمارك.
عدد الدول اللى امتنعوا عن التصويت(انضموا لحزب الكنبه الدولى)52دولة منهم اليابان-كوريا الجنوبية-بريطانيا-ايطاليا وساحل العاج.
فى النهاية نالت فلسطين العضوية الكاملة بالمنظمة الدولية بأغلبية الأصوات فألف مبروك لفلسطين وعقبال انضمامها للأمم المتحده.

السبت، 29 أكتوبر 2011

معلومات تهمك: دليل الناخب

تعريفات مهمة:

بطاقة الانتخاب:

هي الورقة التي يتسلمها الناخب داخل اللجنة الفرعية لكي يقوم ياختيار اثنين من المرشحين الواردة أسمائهم بها في النظام الفردي، واختيار إحدى القوائم الواردة أسمائهم في نظام القوائم، ثم يتم وضعها بصندوق الانتخاب.

اللجنة الفرعية:

هي المكان الذي تتم فيه عملية الاقتراع (الانتخاب) ويتمثل غالباً في الحجرات المخصصة كفصول بالمدارس العامة.

اللجنة العامة:

تكون لكل دائرة لجنة واحدة عامة ويتبعها كافة اللجان الفرعية الواقعة في نطاق هذه الدائرة، ويكون مقرها غالباً في مكان كبير نسبياً حيث تتجمع به صناديق الانتخاب من كافة اللجان الفرعية التابعة للجنة العامة لإجراء عملية الفرز.

اللجنة الانتخابية بالمحافظة:

وهي لجنة واحدة بكل محافظة تعاون اللجنة العليا للانتخابات في إدارة العملية الانتخابية في نطاق اختصاصها.

اللجنة القضائية العليا للانتخابات:

هي الجهة التي عهد القانون إليها بإدارة الانتخابات والاستفتاء بدءاً من إعداد قاعدة بيانات الناخبين حتى إعلان النتيجة وحفظ أوراق الانتخاب والاستفتاء. وهي لجنة قضائية خالصة، محايدة، و مستقلة تتمتع بكافة الضمانات القانونية.

رئيس اللجنة الفرعية:

يرأس اللجنة الفرعية أحد أعضاء الهيئات القضائية من القضاة.

أعضاء اللجنة الفرعية:

وهم أمناء وأعضاء اللجنة الفرعية وينتدبون لعضوية هذه اللجنة من بين العاملين المدنيين بالدولة.

رئيس وأعضاء اللجنة العامة:

جميعهم من أعضاء الهيئات القضائية.

رئيس وأعضاء لجان انتخابات المحافظات:

تشكل لجنة انتخابات المحافظة من أحد الرؤساء بمحاكم الاستئناف رئيساً وعضوية أحد نواب رئيس هيئة النيابة الإدارية وأحد نواب رئيس هيئة قضايا الدولة، وأحد مستشاري محلس الدولة، ورئيس بالمحكمة الابتدائية.

رئيس وأعضاء اللجنة العليا للانتخابات:

يرأس اللجنة العليا للانتخابية رئيس محكمة استئناف القاهرة وأعضاؤها ستة هم أقدم نائبين لرئيس محكمة النقض، وأقدم نائبين لرئيس مجلس الدولة، وأقدم رئيسين لمحاكم الاستئناف تاليين لرئيس محكمة استئناف القاهرة.

مندوب المرشح:

هو أحد الأشخاص يختاره المرشح لكي يمثله داخل اللجنة الفرعية ويشترط أن يكون اسمه مقيداً بقاعدة بيانات الناخبين بتلك اللجنة ومن حقوق المندوب متابعة عملية الاقتراع - دون التدخل فيها - منذ بدايتها وحتى نهايتها.

وكيل المرشح:
هو أحد الأشخاص يختاره المرشح لكي يمثله في نطاق اللجنة العامة ويشترط أن يكون مقيداً في قاعدة بيانات الناخلبين بإحدى اللجان الفرعية التابعة لها، ومن حقوقه المرور على اللجان الفرعية ومطالبة رئيس اللجنة بإثبات ما يتراءى له من ملاحظات.

قاعدة بيانات الناخبين:

هي مجموع المواطنين الذين لهم حق الانتخاب أى ممن بلغوا ثمانية عشر عاماً وليسوا من الفئات المحرومة أو الموقوفة أو المعفاة من مباشرة الحقوق السياسية.

جمعية الانتخاب:

هي المبنى الذي توجد به قائمة الانتخاب والفضاء المحيط به والذي يحدده رئيس اللجنة الفرعية.

مكان الانتخاب:

يكون في أحد الأماكن التي تحددها اللجنة العليا (غالباً إحدى المدارس العامة) والقريبة من محال إقامة الناخب وفي داخل نطاق قسم أو مركز الشرطة التابع له محل الإقامة.

المستندات التي يجب أن يحملها الناخب:

المستند الوحيد الذي يجب على الناخب أن يصطحبه معه يوم الانتخاب هو بطاقة الرقم القومي، ولا يعتد بأي مستند آخر في إثبات الشخصية.

كيفية الانتخاب:

١. يتعرف الناخب على مكان اللجنة الفرعية المقيد بها بالوسائل المختلفة التي تعلن عنها اللجنة العليا للانتخابات

٢. يتوجه يوم الانتخابات خلال المواعيد المقررة من الثامنة صباحاً حتى السابعة مساء إلى مقر اللجنة الفرعية

٣. يقدم لرئيس اللجنة أوأحد أعضائها بطاقة الرقم القومي للتحقق من شخصيته

٤. بالنسبة لانتخابات مجلس الشعب - يتسلم من رئيس اللجنة بطاقتي انتخاب أحدهما للنظام الفردي والأخرى بلون مختلف لنظام القوائم

٥. يتوجه بهما خلف الساتر، ويؤشر بالقلم أمام اثنين من المرشحين داخل بطاقة النظام الفردي، ويؤشر أمام قائمة واحدة بالبطاقة الخاصة بنظام القوائم

٦. يقوم بطي كل ورقة على حدة، ويعود لرئيس اللجنة لوضع كل ورقة في الصندوق المخصص لها

٧. يقوم بغمس إصبع الإبهام باليد اليسرى في زجاجة الحبر الفسفوري وبالنسبة لانتخابات مجلس الشورى تتبع ذات الإجراءات الخاصة بانتخابات مجلس الشعب.

حالات بطلان الصوت:

في ورقة الانتخاب بالنظام الفردي:

إذا اختار الناخب أقل أو أكثر من اثنين من المرشحين

في ورقة الانتخاب بنظام القوائم:

إذا اختار أكثر من قائمة، أو لم يؤشر على أي من القوائم، أو أشر أمام أسماء المرشحين بداخل أكثر من قائمة ويبطل الصوت في أي من ورقتي الانتخاب إذا استعمل الناخب القلم الرصاص أو علق رأيه على شرط أو وقع على البطاقة أو اثبت بها أية إشارة أو علامة تدل عليه، أو إذا ثبت رأيه على بطاقة غير التي سلمها إليه رئيس اللجنة.

حقوق الناخب:

١. أن يتسلم من رئيس اللجنة الفرعية بطاقة انتخاب مفتوحة على ظهرها ختم اللجنة وتاريخ الانتخاب

٢. أن يتوفر بمقر اللجنة ساتر يمكنه من إبداء رأيه في سرية

٣. عدم التأثير على وجهة صوته من أي من الأشخاص المتواجدين داخل مقر اللجنة الفرعية

٤. الناخبين المكفوفين وغيرهم من ذوي الإعاقة ممن لا يتمكنون من إثبات رأيهم بأنفسهم على بطاقة الانتخاب أن يبدوها شفاهة لأعضاء اللجنة ولهم أن يختاروا بين قيام أمين اللجنة بإثبات رأيهم في البطاقة، أو أن يعهدوا بذلك لمن يرافقهم داخل مقر اللجنة

واجبات الناخب:

١. اصطحاب بطاقة الرقم القومي عند التوجه إلى مقر اللجنة الفرعية

٢. عدم حمل السلاح داخل جمعية الانتخاب

٣. إتباع التعليمات التي يحددها رئيس اللجنة الفرعية بوصفه المسئول عن حفظ النظام داخل اللجنة

٤. حظر الدعاية لأي من المرشحين داخل مقر اللجنة الفرعية بما في ذلك البوح بأسماء المرشحين أو القائمة التي قام بإختيارها أو ينوي إختيارها.

منقول من موقع اللجنة العليا للإنتخابات

الخميس، 27 أكتوبر 2011

خلطبيطه

طبعآ واضح من العنوان ان اللى هاكتبه المره دى عبارة عن شوية مواضيع هايتحطوا فى موضوع واحد،
إزاى ماعرفش بس أدينا هانجرب.

1-حملة ترشيح المشير للرئاسة:

بصراحة الراجل من حقه يترشح كمواطن مصرى زيه زى أى مواطن عادى.
بس هو مش كده هايكون مرشح المؤسسة العسكرية؟
وبعدين مش قالوا قبل كده انه مفيش أى مرشح للمؤسسة العسكرة فى انتخابات رئاسة الجمهورية؟
طب ايه الكلام اللى بنسمعه ده؟
هل هو فعلآ هايرشح نفسه؟
طب هل الناس هاتديله اصواتها؟
طب لو مش هايرشح نفسه ايه اللى خلاه ينزل الشارع ببدلة مدنية(مع ان ده من حقه)؟
شكل الموضوع ده كله مليان علامات استفهام كتيره وللأسف الشخص الوحيد اللى عنده الإجابات هايفضل ساكت ومش هايقول ولا كلمة.

2-حزب التحرير:

قريت من يومين انه تم تقديم اوراق اول حزب شيعى فى مصر للجنة الأحزاب وتم قبولها،فألف مبروك للمصريين وعقبال البهائيين مايعملولهم حزب وكمان القرأنيين وأى حد تانى ماهى ظاطت وكله بيظيط يعنى هى جات عليهم،وكلها كام سنة ونقول يااااااااااااااااااااااااااااه فاكر زمان لما كنا بنقول على مصر دى بلد الأزهر؟
وسلملى عالأزهر.
للأسف كل ده بيقسم البلد وكلها كام سنة ونبقى زى العراق وده اللى هما عايزينه،عايزينا نفضل نتحارب مع بعضينا ونفضل ننتقل من تخلف الى تخلف أكتر ولا نبص لمصلحة البلد ولا نحاول نبنى البلد ونقويها ونخليها أفضل من ما كانت عليه ونرجع مكانتها من تانى.

3-طالبنا بقانون الغدر أو العزل قالولنا قانون التحويل بين الأديان:

دى بقى حاجة تحرق الدم بجد وأى حد بجد دمه هايتحرق منها من أول ما قلنا ياثورة قلنا لازم نحاسب الناس اللى افسدت مصر الكبار والصغيريين دورنا عندنا لقينا حاجة زمان عملها جمال عبدالناصر الله يرحمه اسمها قانون الغدر طالبنا بتطبيقه (مع العلم ان القانون ده شغال لحد دلوقتى ومتلغاش) قامت الحكومة مشكورة حلقتلنا فيه ومش عايزه تطبقه (وعندهم حق ازاى يطبقوا بقانون اول ما هايحاسب هايتحاسبوا هما بيه) ولما لقبنا الكلام ده قلنا طب نطبق قانون العزل السياسى وأهو أضعف الايمان الحكومة مش حلقتلنا بس لأ دى عملت ودن من طين وودن من عجين ونفضتلنا أحلى تنفيضه.
قوم ايه بقى نفاجأ بسيادة المستشار أحمد رمزى مستشار رئيس مجلس الوزراء بيصرح لجريده التحرير الى ان هناك نية للحكومة الى اصدار قانون ينظم التحويل بين الأديان بالقانون وعايز يلغى ان الازهر والكنيسه هما المنوطين بالكلام ده ويخلى اللى عايز يتحول من دين الى دين يتحول بالقانون والمؤسستين الدينيتين(الأزهر والكنيسة) مالهمش أى دخل فى الموضوع ده وخد عندك بقى كمية الفتن والمشاكل اللى هاتحصل من ورا القانون ده لو صدر.

الأحد، 16 أكتوبر 2011

لماذا نطالب بقانون العزل السياسى؟



لماذا نطالب بقانون العزل السياسى؟
كتر الكلام فى الاول عن المطالبة بتطبيق قانون الغدر لكن من المنحنى اللى واخداه الامور فى طريقها ظاهر جدآ ان قانون الغدر مش هايطبق فأضعف الايمان نطالب بتطبيق قانون العزل السياسى وأعتقد اللى ماعملش حاجة غلط مش هايخاف من تطبيق القانون ده.
قانون العزل السياسى بيه هانقدر ننحى القيادات اللى افسدت فى الدولة من أصغرها لأكبرها والقانون ده ش بنطالب بيه مدى الحياة ده كل اللى بنطالب بيه تنحيتهم لمدة5سنين بس مش أكتر ومقالناش اننا هانحاكمهم ولا طالبنا بده كل اللى طالبينه ان المشئول اللى افسد او استخدم منصبه لمنفعة شخصية ليه يتم منعه من مزاولة حياته السياسية لمدة5سنين بمعنى انه مايترشحش ولا يشغل اى منصب قيادى فى الدولة ولا يكون عضو مجلس شعب أو شورى ولا عضو فى مجلس الوزراء يتفضل يقعد معزز مكرم فى بيته الفترة الانتقالية دى اللى هى لمدة5سنين وسيبوا البلد للناس اللى ما أفسدتش ولا بوظت سيبوها للناس اللى عايزه تنضف البلد.
الكل بيطلع على التليفيزيون يتغنى ويمدح فى الثورة وشباب الثورة وانهم خلصوا البلد من فساد وظلم استمر على مدار سنين محدش منهم كان قادر يقول لأ قبل كده والكل عارف اللى كان بيقول لأ كان مصيرة بيكون ايه ،طيب طالما الموضوع كده وانتم شايفين ان الشباب دول خايفين على البلد بالطريقة دى طيب حضراتكم استريحوا شوية وادوا فرصة للشباب انهم يحاولا يخدموا البلد،ادوهم فرصة انهم يبينولكم هما يقدروا يعملوا ايه،ادوهم فرصة يحاولا يصلحوا البلد اللى باظت فى وقت ما (البعض منكم) كان قاعد على الكرسى وشايف وساكت كان كل همه ازاى يكون ثروة من قوت الشعب ازاى هو يعيش والباقى مش مهم مايلاقيش حتى حق رغيف العيش ناس مكانش حيلتها غير مرتبها دخلت المنصب وطلعت منه وهى معاها ملايين لا تحصى وكله من فلوسى وفلوسك أخدوا حقى وحقك وعملوه حقهم طب دا انت لو حتى حاولت تعمل حاجة للبلد وفى نفس الوقت حاجة لنفسك كانت الناس هاتسكت وتقول طالما بيعمر او بيعمل لصالح البلد مش مشكلة خليه بردوا يبص لمصلحته ده طباخ السم بيدوقه،انما للأسف مكانش ده بيحصل كان بيبص لمصلحته هو وبس وظز فى البلد تتحرق بجاز وسخ انا مالى هو انا اللى هاصلح البلد؟ ايوه طبعآ انت اللى هاتصلح البلد لأن البلد دى ليا وليك ولأولادى ولأولادك البلد دى ايه غيرنا لو احنا ماحاولناش نصلح حالها مين اللى هايصلحوا؟ هانستوردلها ناس من برا يجو يصلحولنا ويمشوا؟
كانت الفرصة قدامك لنك تصلح البلد بس للأسف استغليت الفرصة فى انك تكوش على حق البلد وتخليه حقك انت.
وبعد كده تزعل لما نقول عايزين قانون العزل السياسى؟
طب بتزعل ليه لو انت كنت ماشى سليم؟
ولا هو اللى على راسه بطحه!!!
البلد مش مستحمله فساد ونهب وسرقه البلد قالت كفاية انا فاض بيا
كفااااااااااااااااااااااااااااية انا فيا اللى مكفينى
عشان كده بقولك انا عن نفسى عايز قانون العزل السياسى وده مش غلط ولا ضد الديموقراطية والحرية ، لأ أبدآ انا عايزه عشان اعرف ابنى (بلدنا) كويس وأبنيها من الأساس ويكون أساسها سليم وبعد كده يامرحب بيك تشاركنى فى البلد وتاخد حقك وكل مواطن ياخد حقه ومايزيدش عن حقه لو انت ماشى سليم عمرك ماهاتكون ضد قانون العزل السياسى انما بقى لو انت غير كده فأكيد هاتحاول بأى طريقة ان القانون ده مايصدرش.
خلونا نبنى البلد ادونا فرصة نبنى البلد بجد وعلى حق انتم أخدتم فرصتكم وضيعتوها وضيعتونا وضيعتوا البلد معاكم
واحنا مش هانسمح بده يحصل من تانى مهما كان التمن.
عشان كده أنا مع قانون العزل السياسى.

الخميس، 13 أكتوبر 2011

صوتك أمانة....عارف يعنى ايه صوتك أمانة؟



صوتك أمانة .. عارف يعنى ايه صوتك أمانة؟

يعنى صوتك مايروحش غير للى يستحقه بغض النظر عن صلة القرابة ولا انه أحسن الوحشين ده لو عايزين نبتديها صح

انما لو عايزين نقضيها مصالح وظبطنى وأظبطك أو نمشيها بالفلوس يبقى انا اللى هانجنى على نفسنا واحنا اكيد لسه فاكرين اللى نجح بفلوسه لما نجح قال ايه!!

المهم صوتك أمانة صوتك هايفرق فى الانتخابات اللى جايه صوتك ممكن يرفع البلد وممكن يخسفها لسابع أرض المجلس اللى جاى سواء كان مجلس شعب أو شورى عليه مهام كتيره هايقوم بيها أولها اعادة كتابة دستور جديد للبلاد دستور هانكمل بيه الى ان يشاء الله.

عضو مجلس الشعب أو الشورى اللى جاى مش هايروح يقبض وبس أو هايروح يقول الجملة الشهيرة(موافقون موافقة) لا دا هايكون عليه تلال من الحمول اللى من الممكن لو هو مش قدها يورطنا احنا والبلد وفى اللحظة دى مش هانلوم غير نفسنا ومنقدرش نلوم غيرها لأننا اللى هانكون نجحناه لازم العضو اللى ننجحه مايكونش ضعيف ولا طيب زيادة عن اللزوم ولا بتاع مصلحته ولا اللى يتمسكن لحد مايتمكن، عضو مجلس الشعب او الشورى اللى جاى لازم يكون قوى عنده شخصية مش بيمشى بالريموت ولا ممسك دقنه لحد بيشده وهو وراه لازم يكون عنده علم بمشاكل الدايرة اللى هو بيمثلها عشان مانجيش بعد كده ونقول أهو معملش حاجة ولازم يعرف ان الناس مش هاتسيبه هاتفضل وراه طالما كان على حق وهاتقف فى وشه طالما بعد عن الحق وبص لمصلحته الشخصية بس ومش مهم البلد واللى فيها.

كتر الكلام فى الفترة اللى فاتت عن الماضى على أساس من لاماضى له فلا حاضر له بس بردوا ماينفعش فى كل حاجة نقعد نتغنى ونبكى على أطلال الماضى لأن اللى دايمآ يقول زمان عمره ماهيكون له مستقبل فخلينا نسيب الماضى ونبص للمستقبل لأن الماضى خلاص انتهى وعلى رأى الست (أم كلثوم):

عايزنا نرجع زى زمان

قول للزمان ارجع يازمان

وده طبعآ مستحيل انك تقدر ترجع الزمن.عايزين نبص قدامنا مش تحت رجلينا إطلع برا الدايره وبص وشوف ايه اللى بيحصل وبعدين قرر مين الأصلح مين اللى هايخدم البلد بجد مش مين اللى هايجيبلك قطعة أرض أو شقة أو اللى هايخلصلك ترخيص عربيتك أو يطلعلك ابنك من القسم لو طلعلك انهارده بكره هاينفضلك ولا كأنه يعرفك،فياريت تختار صح لأن اختيارك مش حاتقدر تلوم أى حد عليه غيرك.

أبسطهالك أكتر بص على الصورة دى وانت تقرر الصورة دى عاملاها حركة شباب6ابريل(سواء اختلفت أو اتفقت معاها دى حاجه ترجعلك) الصورة دى اسمها الدايرة البيضة والدايرة السودا بكل بساطة حاطينلك صفات المرشح اللى المفروض تختاره فى الدايرة البيضا وصفات المرشح اللى اللى مش ممكن تختاره(لو عايز البلد تتحسن) فى الدايرة السودا ودى الصورة:


طبعآ الصورة واضحة والكلام واضح ومع ذلك اتفضل الصورة التانية من اعداد حملة خد بالك:

أعتقد بعد الكلام ده مفيش كلام تانى ممكن يتقال
كل حاجة أهى واضحة قدامك
وفى الأخر مصير البلد بين إيديك انت اللى هاتختار مستقبلها
بمعنى تانى مستقبلك ومستقبل أولادك بين ايديك
انت اللى هاتحدده انت اللى هاتبتدى تكتبه.








الأحد، 9 أكتوبر 2011

الفهيم اللئيم



الفهيم اللئيم:

لقب بنطلقه على بعض الأفراد فى مجتمعنا ممكن يتوصفوا بأوصاف كتيره غير الوصف ده يعنى ممكن تلاقي الواحد منهم بيتوصف بإنه(سُهُن)او (ميه من تحت تبن) أو (الخبيث) أو(المكار)(مش التعلب المكار اللى كنا بنقرا قصته واحنا صغيرين)وبتتعدد الألقاب بتعدد الأماكن والمجتمعات والأفراد كلامى عن الفهيم اللئم مابقصدش بيه حد معين خالص ده كلام عام على الأفراد اللى بيتصفوا بالصفة دى.
ليه الفهيم اللئيم؟
بصراحة كتروا فى زماننا الاشخاص اللى بيتصفوا بالصفة دى والصفة دى صفة خطيرة جدآ لأن من العمايل اللى بيعملها ممكن يخرب الدنيا ويقعد كإنه ملاك ولا كإنه عمل حاجة خالص ويظهر بمظهر الملاك المنقذ اللى يجيلك عشان يساعدك بأى طريقه ممكنه مع انه هو اللى مورطك وهو السبب فى كل اللى انت فيه.
بس المشكلة مش فى الجزء الأول اللى هو(الفهيم) مش مشكلة انه يكون (فهيم) بيفهم الكلام او زى مابنقول (بيفهمها وهى طايرة) كل المشكلة فى الجزء التانى من الصف اللى هو(لئيم) وبصراحة لما بتتجمع الصفتين فى شخص واحد(الفهيم اللئيم) قابل على اللى هاتشوفه من تحت راسه بيبتدى بقى الشغل اللى على اصوله شوية (اللوئم) اللى عنده بيطلعهم بس بيقعد يخطط ويحسب ويتكتك وينفذ على نار هادية،وغالبآ تخطيطه بينجح لأنه بيعتمد على المجتمع اللى حواليه اللى بياخد بالمظاهر فاكرين فيلم(رصيف نمره 5) بتاع فريد شوقى وزكى رستم ؟ أهو زكى رستم فى الفيلم كان الفهيم اللئيم:)
شوفتوا كان بيعمل ايه فى الفيلم؟
شوفتوا الناس كانت بتبصله على انه إيه؟
تخيل بقى ان فى شخصيات زى كده فى حياتنا لا وكمان أمر وأتعس منه،الصفة دى لو لاقيتها فى انسان نصيحة منى ليك ابعد عنه خالص.

الخميس، 6 أكتوبر 2011

6 اكتوبر 1973يوم استرداد الكرامة

حرب استرداد الكرامة هو ده الوصف اللى نقدر بيه نوصف حرب اكتوبر 73الحرب اللى وقتها كان العالم كله بيقول مستحيل ان مصر تخوض حرب فى الوقت ده وكمان عشان الكدبه اللى اعلنتها اسرائيل بكل غطرسة وقالت ان جيشها جيش لايقهر وفى يوم 6 اكتوبر اثبت المصريين انهم لما بيصمموا على حقهم لازم ياخدوه وان مفيش حاجة اسمها ان الجيش الاسرائيلى جيش لايقهر.



انك تعلن الحرب فى وقت زى ده كان استحالة بكل المقاييس لكن الجندى المصرى حطم المستحيل وأثبت للعالم كله انه قادر على فعل أى شئ.



التجهيز والاعداد للحرب كان لايقل خطورة فى وقتها عن قرار الحرب ذاته لأنك كنت خارج من النكسة اللى فيها اتخدع الشعب بالبيانات اللى كانت بتطلع عن اننا منتصرين وحطمنا طيارات كتيره للعدو وبعدها دخلت فى حرب الاستنزاف وكان فى شعور عام منتشر فى البلد اللى هو الشعور بالاحباط اللى كان شعور عام ومنتشر مابين الناس وكان الكل متأكد من ان السادات رحمة الله عليه مستحيل يخوض حرب ضد اسرائيل(وهنا الخدعة) السادات وقت ما اعلن الحرب فاجأ الجميع العدو قبل الصديق بقرار الحرب.
من ضمن خطط الخداع اللى تم استخدامها:
السماح للظباط بأداء عمرة رمضان.
صدور تعليمات للظباط الصغار بالكليات العسكرية بمواصلة الدراسة يوم9اكتوبر.
يوم4اكتوبر اعلنت وسائل الاعلام المصرية عن تسريح20000جندى احتياطى.
صباح يوم6اكتوبر تم نشر الجنود على ضفة القناة مع اعطائهم تعليمات بعدم ارتداء الخوذات وان يستحموا ويصطادوا سمك.
ماتم من اعلان التعبأه العامة فى صفوف الجيش أكثر من مره وعدم حدوث اى شئ بعد التعبأه.



الكلام عن حرب اكتوبر المجيدة مش ممكن يخلص ولا ممكن يتكتب فى مقال واحد او تدوينة او حتى كتاب حرب اكتوبر تتكتب فيها كتب كتيره وموسوعات ومهما اتكتب عنها بردوا هاتفضل اسرار كتيرة متكتبتش ولا اتنشرت نصر اكتوبر هو اللى رجع ثقة الشعب فى قياداته حرب اكتوبر حرب تحررت فيها العقول أولآ من وهم فكرة الجيش الذى لايقهر ثم الارض ثانيآ ورجعت أرض سيناء الغالية يرفرف عليها العلم المصرى من تانى.






القيادة العسكرية المصرية في حرب اكتوبر 1973.



وزير الحربية

أمين هويدي 21 يوليو 1967 25 يناير 1968

فريق أول محمد فوزي 25 يناير 196813 مايو 1971 (استقالة)

فريق محمد أحمد صادق 14 مايو 1971 26 اكتوبر 1972 (احيل للتقاعد)

فريق أحمد إسماعيل علي 26 اكتوبر 1972 25 ديسمبر 1974


رئيس هيئة أركان حرب

فريق عبد المنعم رياض 11 يونيو 1967 9 مارس 1969 (استشهد)

لواء أحمد إسماعيل علي 10 مارس 1969 10 سبتمبر 1969 احيل للتقاعد اثر عملية الزعفرانة

لواء محمد أحمد صادق 10 سبتمبر 1969 12 مايو 1971

فريق سعد الدين الشاذلي 16 مايو 1971 12 ديسمبر 1973

فريق محمد عبد الغني الجمسي 12 ديسمبر 1973 1974

نائب وزير الحربية

فريق عبد القادر حسن 27 يوليو 1971 24 اكتوبر 1972 (احيل للتقاعد)

رئيس هيئة العمليات

لواء محمد عبد الغني الجمسي 1 يناير 1972 12 ديسمبر 1973


قائد القوات البحرية

لواء بحري فؤاد أبو ذكري

لواء بحري محمود عبد الرحمن فهمي 11 سبتمبر 1969 24 اكتوبر 1972 احيل للتقاعد


قائد القوات الجوية

لواء مدكور أبو العز 11 يونيو 1967 10 نوفمبر 67 عـُيـِّ مع محمد فوزي ، عبد المنعم رياض ، فؤاد ذكري

لواء طيار مصطفى الحناوي 10 نوفمبر 1967 22 يونيو 1969 احيل للتقاعد اثر اختراق جوي اسرائيلي فوق القاهرة

لواء علي البغدادي 22 ابريل 1972 حتى أقاله السادات

لواء طيار حسني مبارك قائد قوات الدفاع الجوي


قائد قوات الدفاع الجوي

لواء حسن كامل 11 يونيو 1967 22 يونيو 1969 (اقيل معه الحناوي بعد الاختراق الجوي)

لواء مدفعية م ط محمد علي فهمي ديسمبر 74 بقي في منصبه حتى أصبح رئيس أركان حرب مع الجمسي وزيراً للحربية رئيس هيئة الإمداد والتموين

رئيس هيئة الإمداد والتموين

لواء نوال سعيد

مدير سلاح المدفعية

لواء محمد سعيد الماحي


مدير سلاح المدرعات

لواء كمال حسن علي

مدير سلاح المهندسين العسكريين

لواء جمال محمود علي


مدير المخابرات العسكرية

لواء محمد أحمد صادق

لواء محرز مصطفى 24 اكتوبر 1972 اقيل مباشرة إثر اجتماع المجلس الأعلى للقوات المسلحة في نفس اليوم

لواء فؤاد نصار

قائد القوات الخاصة

لواء سعد الدين الشاذلي يونيو 67يناير 1970 نـُقل ليصبح قائد منطقة البحر الأحمر المستحدثة.

قائد قوات الصاعقة

لواء نبيل شكري

قائد قوات المظلات

عميد محمود عبد الله

قيادات الجيش الثاني الميداني

قائد الجيش

لواء سعد مأمون 14 اكتوبر 1973 (اصيب بنوبة قلبية)

لواء عبد المنعم خليل 16 اكتوبر 1973

رئيس أركان الجيش

لواء تيسير العقاد

قائد مدفعية الجيش

عميد محمد عبد الحليم أبو غزالة


قيادات الجيش الثالث الميداني

قائد الجيش

لواء عبد المنعم محمد واصل

رئيس أركان الجيش

لواء مصطفى شاهين

رئيس شعبة عمليات الجيش

لواء محمد نبيه السيد

قائد مدفعية الجيش

عميد منير شاش

قادة الفرق

قائد الفرقة الثانية المشاة

عميد حسن أبو سعدة

قائد الفرقة الثالثة المشاة الآلية
عميد محمد نجاتي فرحات

قائد الفرقة الرابعة المدرعة
عميد محمد عبد العزيز قابيل

قائد الفرقة السادسة المشاة الآلية
عميد محمد أبو الفتح محرم

قائد الفرقة السابعة المشاة
عميد أحمد بدوي سيد أحمد

قائد الفرقة 16 المشاة
عميد عبد رب النبي حافظ
عميد أنور حب الرمان

قائد الفرقة 18 المشاة
عميد فؤاد عزيز غالي

قائد الفرقة 19 المشاة
عميد يوسف عفيفي

قائد الفرقة 21 المدرعة
عميد ابراهيم العرابي

قائد الفرقة 23 المشاة الآلية
عميد أحمد عبود الزمر (استشهد)


قادة المناطق والقطاعات العسكرية


قائد المنطقة العسكرية المركزية

لواء عبد المنعم خليل

قائد منطقة البحر الأحمر العسكرية

لواء ابراهيم كامل محمد

قائد قطاع بورسعيد العسكري

لواء عمر خالد حسن

قادة الألوية ومجموعات الصاعقة


قائد اللواء الأول المدرع
عقيد محمد توفيق أبو شادي (استشهد)

عقيد سيد صالح

قائد اللواء الأول المشاة الآلي
عقيد صلاح زكي

قائد اللواء الثاني المدرع
عقيد أنور خيري

قائد اللواء الثاني المشاة الآلي
عقيد محمد الفاتح كريم

قائد اللواء الثالث المدرع
عقيد نور عبد العزيز (استشهد)

قائد اللواء الثالث المشاة الآلي
عقيد شفيق متري سيدراك (استشهد)

قائد اللواء الرابع المشاة
عقيد أحمد المصري

قائد اللواء السادس المشاة الآلي
عقيد محمود المهدي

قائد اللواء السابع المشاة
عقيد فوزي محسن

قائد اللواء الثامن المشاة
عقيد فؤاد صالح زكي

قائد اللواء 9 مهندسين (كباري)
عقيد جمال تلمي

قائد اللواء 11 المشاة الآلي
عقيد فارروق الصياد

قائد اللواء 12 المشاة
عقيد عادل سليمان

قائد اللواء 14 المدرع
عقيد عثمان كامل

قائد اللواء 15 المدرع المستقل
عقيد تحسين شنن

قائد اللواء 16 المشاة عقيد
عبد الحميد عبد السميع

قائد اللواء 18 المشاة الآلي
عقيد طلعت مسلم

قائد اللواء 22 المدرع
عقيد مصطفى حسن (استشهد)

قائد اللواء 23 المدرع
عقيد حسن عبد الحميد (اصيب)

قائد اللواء 24 المدرع
عقيد جورج حبيب (اصيب)

قائد اللواء 25 المدرع المستقل
عقيد أحمد حلمي بدوي

قائد اللواء 90 المشاة الآلي
عقيد صالح بدر

قائد اللواء 109 مهندسين (كباري)
عميد فؤاد محمد سلطان

قائد اللواء 112 المشاة
عقيد عادل يسري (اصيب)

قائد اللواء 116 المشاة الآلي
عقيد حسين رضوان (استشهد)

قائد اللواء 130 المشاة الخاص
عقيد محمود شعيب

قائد اللواء 182 مظلات
عقيد إسماعيل عزمي (عزل بعد الحرب)

قائد المجموعة 39 قتال خاصة
عقيد ابراهيم الرفاعي (استشهد)

قائد المجموعة 127 صاعقة
عقيد فؤاد بسيوني

قائد المجموعة 129 صاعقة
عقيد علي هيكل

قائد المجموعة 136 صاعقة
عقيد كمال عطية

قائد المجموعة 139 صاعقة
عقيد أسامة ابراهيم

قائد المجموعة 145 صاعقة
عقيد السيد الشرقاوي

قائد الكتيبة 603 مشاة آلية(وقائد موقع كبريت)
عقيد ابراهيم عبد التواب (استشهد)


بعض المعلومات عن حرب اكتوبر:

قرار اعلان الحرب من السادات: