سهل جدآ إنك تفكر
وسهل جدآ إنك تلاقى كلام فى دماغك أو فكرة فى دماغك ممكن تنفع تتكتب
لكن الصعب هو إنك تدون الفكرة دى او الكلام ده
ـــــــــــــــــــــــــــــــــــــ
من أخر تدوينه ليا وانا بحاول افكر ايه اللى ينفع يتكتب؟؟
حاجات كتيره كان من الممكن الواحد يكتب عليها
البلد مليانه حاجات تخليك مجبر انك تكتب عليها
من شهادة المشير الى جمعة استرداد الثورة الى لقاء الاحزاب السياسة اللى تم مع الفريق/عنان
لقانون الطوارئ حاجات كتيره جدآ
لكن المشكلة اللى بتلاقيها قدامك اول ماتقول ياتدوين هو ان كل الكلام اللى فى دماغك بتلاقيه بَح اتمسح
كإنك داخل على امتحان واول ماتلاقى ورقة الاسئلة قدامك تلاقى عقلك عمل فورمات لنفسه كأنه متفيرس
كلام كتير كان ممكن يتكتب فى الموضوع ده
بس للأسف هرب الكلام:)
ساعات الواحد بيحس وهو قاعد ان فى كلام كتير فى دماغه محتاج يكتبه
وأول مايمسك ورقة وقلم
الكلام يختفى!!!!
ليه مش عارف؟
هل السبب هو اننا ماتعودناش على اننا نكتب اللى يجى فى بالنا من صغرنا؟
هل السبب هو كمية المشاكل اللى بتواجهنا فى يومنا العادى؟
ولا كمية الاحباط اللى كاتمة على انفاسنا حتى بعد الثورة؟
ولا الوضع اللى البلد فيه حاليآ اللى مش عارفين هايخلص على ايه؟
ولا كل اللى فوق متجمع مع بعضه فى(4فى1)
ولا يمكن لأن الواحد مننا حتى بعد الثورة عايش يوم بيوم ومنفض لكل اللى بيحصل من حواليه؟
ولا يمكن لأننا زهقنا من الكلام وشايفين الكل بيتكلم بس أفعال مفيش؟
ممكن بردوا!!
كل شئ جايز فى الزمن ده:)
مش عارف ايه اللى بيحصل،،
ولا عارف ايه اللى هايحصل،،
كلنا عايشين ومش عايشين
(جرعة كاملة من الإحباط العام)
ليست هناك تعليقات:
إرسال تعليق